Ffilm ddogfen yn dilyn Prif Weinidog Cymru, Carwyn Jones, yn ystod ei fisoedd olaf yn ei swydd.

Gyda mynediad na chafwyd ei debyg o’r blaen y tu ôl i’r llenni, mae’r ffilm yn ei ddangos ef a’i dîm yn paratoi ar gyfer Cwestiynau’r Prif Weinidog. Mae camerâu’n ei ddilyn i gyfarfodydd allweddol mewn cyfnod cythryblus i wleidyddiaeth yng Nghymru a thu hwnt, gan ddatgelu sut brofiad yw bod yn Brif Weinidog Cymru. Mae’r rhwystredigaethau a’r heriau’n glir gyda chyni’n hawlio’r sylw yn nhrafodaethau’r gyllideb; canlyniad y refferendwm ar adael yr UE; ac yn amlwg iawn, marwolaeth drasig ei ffrind a’i gydweithiwr, Carl Sargeant. Mae’r ffilm yn mynd y tu ôl i ddrysau caeedig yn y Senedd a gartref i ffilmio Carwyn Jones wrth ei waith a’r tu allan iddo, gan adlewyrchu’n onest ar uchafbwyntiau ac isafbwyntiau ei naw mlynedd yn y swydd.

Rhaglen ddogfen unigol, yn para awr, ar gyfer BBC One Wales